Aholiga sifatli va malakali tibbiy xizmat ko‘rsatishni ta’minlash davlat siyosatining doimiy va ustuvor yo‘nalishlaridan biri hisoblanadi

Yurtimizda sog‘liqni saqlash tizimini takomillashtirish, aholining sifatli tibbiy xizmat va dori vositalarini olishga bo‘lgan ehtiyojini ta’minlashga qaratilgan ishlar izchil davom etmoqda.

Xalq deputatlari Muzrabot tumani Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining 2026-yilga mo‘ljallangan ish-rejasiga asosan doimiy komissiya raisi va a’zolari tomonidan tuman tibbiyot birlashmasida aholini dori vositalari bilan ta’minlash masalalari bo‘yicha o‘rganish ishlari olib borildi.

Tibbiyot muassasasida “Dori vositalari va farmasevtika faoliyati to‘g‘risida”gi O‘zbekiston Respublikasi Qonunini ijrosi holatini nazorat-tahlil tartibida o‘rganildi.

O‘rganish jarayonida tez tibbiy yordam tizimi faoliyati, dori vositalarining muassasalardagi mavjudligi, ichki dorixonalar faoliyati, mavjud ehtiyoj, shuningdek, sohadagi muammolar atroflicha tahlil qilindi.

Xususan, Muzrabot tuman KTMPda aholiga ko‘rsatilayotgan xizmat sifati, dori vositalarini qo‘llanilishi, omborxonalarda saqlanayotgan mahsulotlar va ularning sifat nazorati borasidagi ishlar o‘rganildi.

Shuningdek, tibbiyot birlashmasida davolanayotgan bemorlar uchun yaratilgan sharoitlar ham o‘rganildi.

O‘rganishlar davomida deputatlar tomonidan muassasada aniqlangan ayrim kamchiliklarni bartaraf etish bo‘yicha tegishli mas'ullarga ko‘rsatma va tavsiyalar berildi.