Xalq deputatlari Toshloq tuman Kengashi kotibiyati va tuman Adliya bo‘limi bilan hamkorlikda
deputatlar ishtirokida o‘tkazilgan tadbir davomida O‘zbekiston Respublikasi Prezidentining 2024-yil 24-maydagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Farmoni mazmun-mohiyati, unda belgilangan ustuvor vazifalar va ma’muriy islohotlarning ahamiyati keng yoritildi. Xususan, adliya organlari faoliyatini takomillashtirish, boshqaruv tizimini ixchamlashtirish, qonun ustuvorligini ta’minlash hamda aholiga huquqiy xizmatlar ko‘rsatish sifatini oshirish masalalariga alohida e’tibor qaratildi. 

Ishtirokchilar tomonidan Farmon ijrosini joylarda samarali tashkil etish, davlat organlari faoliyatida ochiqlik va shaffoflikni kuchaytirish hamda deputatlik nazoratini yanada mustahkamlash yuzasidan taklif va mulohazalar bildirildi.