Romitan tumanidagi Urganjiyon, Bog‘iturkon va O‘ba mahalla fuqarolar yig‘inlari og‘ir hudud sifatida tanlab olinib, aholi muammolarini hal etish va turmush sharoitini tubdan o‘zgartirishga kirishilgan edi.

Bog‘iturkon mahallasida og‘ir hudud toifasiga kiritilgan mahallalarda infratuzilmani yaxshilash, aholiga munosib sharoit yaratish maqsadida 1-Sadriddin Ayniy saylov okrugi deputati, tuman hokimi Umedjon Barnoyev boshchiligida infratuzilmani yaxshilash, mavjud kamchiliklarni bartaraf qilish, odamlar turmush darajasini oshirish bilan birgalikda keng ko‘lamli bunyodkorlik, obodonlashtirish ishlari amalga oshirilmoqda.

Tuman rahbari mahallani toza ichimlik suvi bilan ta’minlash, tekis, ravon yo‘llar qurish, elektr ta’minoti bilan bog‘liq muammolarni hal etish, aholi bandligini ta’minlash kabi yo‘nalishlarda amalga oshirilishi lozim bo‘lgan ishlar bo‘yicha tegishli korxona rahbarlariga topshiriqlar berildi va bu boradagi ishlar hududlarda boshlab yuborildi.