O’zbekiston XDP Oqoltin tumani Kengashi deputatlari Esanbay Babayev va Gulomjon Axmedov “Yangi hayot” mahallasi yettiligi bilan uchrashuv o‘tkazdilar. Uchrashuv davomida mahallada amalga oshirilayotgan ishlar, aholi muammolari va ularni hal etish bo‘yicha chora-tadbirlar muhokama qilindi.

Deputatlar mahalla yettilari bilan hamkorlikda aholi uchun yaratilayotgan sharoitlar, ijtimoiy qo‘llab-quvvatlash ishlari hamda yoshlar, ayollar va keksalar bilan ishlash masalalari bo‘yicha fikr almashdilar.

Uchrashuvda mahalladagi mavjud muammolarni joyida o‘rganish, ularni manzilli hal etish bo‘yicha taklif va tavsiyalar ishlab chiqildi.

Tadbir yakunlanar ekan, deputatlar mahalla faollariga aholi farovonligini ta’minlash yo‘lidagi fidokorona mehnatlari uchun minnatdorlik bildirdilar.