#IV_Toshkent_xalqaro_investitsiya_forumi

🟢Ўзбекистон Республикаси Президенти Шавкат Мирзиёев 10 июнь куни пойтахтимиздаги Халқаро конгресс марказида тўртинчи Тошкент халқаро инвестиция форумининг ялпи мажлисида иштирок этди.

✅Давлатимиз раҳбари форумдаги нутқини дунёдаги бугунги вазиятнинг қисқача таҳлилидан бошлади. Бугунги кунда геосиёсий жараёнлар шиддат билан ўзгариб, глобал хавфсизлик ва барқарор тараққиётга таҳдидлар кучайиб бораётгани таъкидланди.

- Мен ҳозир таъкидлаб ўтган муаммолар бўйича барча шерик давлатларимизни очиқ ва кенг кўламли халқаро ҳамкорликка чақирамиз. Чунки форумнинг асосий мавзуси бўлган инвестициялар – фақат иқтисодий тараққиётнинг эмас, балки тинчлик ва барқарорликнинг кафолатидир, - деди давлатимиз раҳбари.

Сўнгги 5 йил ичида Ўзбекистон Иқтисодий эркинлик индексида 48 поғонага, Гарварднинг Иқтисодиёт мураккаблиги индексида 28 поғонага кўтарилди.

Шу муносабат билан Ўзбекистон етакчиси Марказий Осиёда "Инвестиция ва савдо учун яхлит ҳудуд" концепциясини илгари суришни таклиф этди.

- Шу ўринда халқаро ташкилотларга мурожаат қилмоқчиман: минтақавий лойиҳаларни қўллаб-қувватлаш учун янги молиявий механизмларни йўлга қўйиш вақти келди. Биргаликда ҳаракат қилсак, Марказий Осиёни тинчлик ва тараққиёт маконига айлантирамиз, - деди Президент.

💥💥💥💥💥💥💥💥💥💥💥💥💥💥

Халқ депутатлари Каттақўрғон туман кенгаши депутати А.Худойбердиев