Yangi O‘zbekiston sari – barqaror rivojlanish, sarmoya va ochiqlik yo‘lida!

Joriy yilning 10–11 iyun kunlari poytaxtimiz Toshkent shahrida bo‘lib o‘tgan IV-Toshkent xalqaro investitsiya forumi va Xorijiy investorlar kengashi majlisi – mamlakatimiz hayotida muhim bosqich bo‘lib, xalqaro maydonda O‘zbekistonning nufuzini yanada oshirdi.

Mazkur forumda 100 dan ortiq davlatlardan 3000 ga yaqin xorijiy mehmon, yetakchi xalqaro moliya institutlari, kompaniyalar va davlat rahbarlari ishtirok etdi. Bu bizning ochiq siyosatimiz va ishonchli investitsiya muhitimizga bo‘lgan katta e’tiborning yaqqol isbotidir.

📌 Prezidentimiz Shavkat Mirziyoyevning nutqlarida quyidagilar alohida ta’kidlandi:

— Iqtisodiyotni raqamlashtirish, “yashil energetika”ni rivojlantirish va zamonaviy infratuzilmani yaratish ustuvor vazifa etib belgilandi.

— Investorlar uchun “yagona oynali tizim” joriy qilinadi – bu ularning huquqlari va manfaatlarini kafolatli himoya qilishda muhim qadam bo‘ladi.

— Xususiy sektorni qo‘llab-quvvatlash orqali iqtisodiy o‘sish va bandlikni ta’minlash rejalashtirilmoqda.

— Forum doirasida yuzlab yangi loyihalar, jumladan, energetika, qishloq xo‘jaligi, mashinasozlik, texnologiyalar yo‘nalishida xalqaro bitimlar imzolandi.

Forumda Markaziy Osiyo davlatlari bilan mintaqaviy hamkorlik masalalari ham asosiy o‘rinni egalladi. Qo‘shni davlatlar bilan tovar aylanmasining 3,5 barobar oshishi, Xitoy – Qirg‘iziston – O‘zbekiston temir yo‘lining qurilishi, energetika va infratuzilma loyihalari – barchasi mintaqadagi hamjihatlik va o‘zaro ishonchning yuksalayotganidan dalolat beradi. Prezident “Investisiya va savdo uchun yaxlit hudud” konsepsiyasini ilgari surdi va xalqaro tashkilotlarni yangi moliyaviy mexanizmlarni yo‘lga qo‘yishga chaqirdi.

🤝 Xalqaro investorlar bilan ochiq va samarali muloqot bo‘lib o‘tdi. Prezidentimiz aytganlaridek:
“Investor – bu bizning strategik hamkorimiz.”

Bu siyosat – nafaqat iqtisodiy, balki geosiyosiy barqarorlikni ta’minlashga xizmat qiluvchi muhim mezondir.