Deputat tomonidan maktab kutubxonasi faoliyati o‘rganildi

🖋Xalq deputatlari O'rta Chirchiq tuman Kengashi deputati A.Altinov nomidan tuman Kengashi kotibiyati mudiri B.Baxovadinov tomonidan tuman hududidagi 5-umumta’lim maktabining kutubxona faoliyati, kitoblar fondi hamda o‘quvchilarga yaratilgan sharoitlar atroflicha o‘rganildi. Tashrif davomida kutubxonadagi badiiy va ilmiy adabiyotlar soni, ularning yangilanish darajasi, o‘quvchilarning kitob o‘qishga jalb etilishi hamda elektron resurslardan foydalanish holati ko‘zdan kechirildi.

❗️Shuningdek, kutubxona xodimlari bilan suhbat o‘tkazilib, o‘quvchilarda kitobxonlik madaniyatini oshirish bo‘yicha amalga oshirilayotgan ishlar, mavjud muammolar va ularni bartaraf etish bo‘yicha takliflar tinglandi.

O‘rganish yakunida deputat tomonidan mas’ullarga kitoblar fondini boyitish, zamonaviy o‘quv resurslari bilan ta’minlash hamda o‘quvchilarning muntazam kitobxonlikka jalb etilishini kuchaytirish yuzasidan tegishli tavsiyalar berildi.

✅Xalq deputatlari O‘rta Chirchiq tuman Kengashi kotibiyati axborot xizmati!