REPRODUKTIV SALOMATLIK — DEPUTATLIK NAZORATIDA
Xalq deputatlari tuman Kengashi deputati S. G‘aybullayeva Yoshlar maslahat guruhi bilan hamkorlikda Manas oilaviy poliklinikasida O‘zbekiston Respublikasining 2019-yil 11-martdagi O‘RQ-528-sonli “Fuqarolarning reproduktiv salomatligini saqlash to‘g‘risida”gi Qonuni ijrosi yuzasidan nazorat-tahlil tadbirini o‘tkazdi.
O‘rganish davomida fuqarolarning reproduktiv salomatligini muhofaza qilish, aholiga ko‘rsatilayotgan tibbiy xizmatlar sifati, profilaktik tadbirlarning tashkil etilishi hamda yoshlar o‘rtasida sog‘lom turmush tarzi va reproduktiv salomatlik bo‘yicha tushuntirish ishlarining olib borilishiga e’tibor qaratildi.
Shuningdek, ushbu yo‘nalishda mavjud masalalarni aniqlash, tibbiy xizmatlar samaradorligini oshirish va qonun ijrosini ta’minlash bo‘yicha mas’ullarga tegishli tavsiyalar berishga alohida e’tibor qaratildi.