DOIMIY KOMISSIYA VA BIRIKTIRILGAN TASHKILOT: HAMKORLIK AMALIYOTDA
Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan biriktirilgan tashkilotlar bilan hamkorlikni kuchaytirish, mavjud muammolarni o‘rganish va ularning yechimlari yuzasidan takliflar ishlab chiqishga alohida e’tibor qaratilmoqda.
Shu doirada doimiy komissiya a’zosi F.Islomova tomonidan “Mikrokreditbank” rahbari bilan uchrashuv va muloqot o‘tkazilib, bank faoliyati, tadbirkorlik subyektlarini qo‘llab-quvvatlash, aholi uchun yaratilayotgan imkoniyatlar hamda hududdagi mavjud masalalar yuzasidan fikr almashildi.
Muloqot davomida tadbirkorlikni rivojlantirish, aholining moliyaviy xizmatlardan foydalanish imkoniyatlarini kengaytirish va aniqlangan muammolarni hamkorlikda hal etish masalalariga alohida e’tibor qaratildi.