#jarayon

Maishiy chiqindi tashuvchi korxona faoliyati o‘rganilmoqda

📍Xalq deputatlari Toshkent viloyati Kengashining 2026-yil 24-martdagi VII-30-33-10-0-K/26-sonli qarori ijrosini ta’minlash maqsadida O‘rta Chirchiq tumanida maishiy chiqindilarni olib chiqish xizmatini ko‘rsatuvchi “Angren-Bunyod Fayz” O‘rta Chirchiq tumani filiali faoliyati o‘rganilmoqda.

🗑O‘rganish jarayonida Xalq deputatlari O‘rta Chirchiq tumani Kengashi kotibiyati mudiri B.Baxovadinov, tuman Kengashining 11-Xalqobod saylov okrugi deputati D.Zulyarova, O‘zbekiston Ekologik partiyasi tuman raisi M.Umarova hamda tuman Ekologiya va atrof-muhitni muhofaza qilish bo‘limi xodimlari ishtirok etdi.

📃Belgilangan savolnoma asosida korxonaning umumiy faoliyati, xodimlar uchun yaratilgan mehnat sharoitlari, ish haqi va ijtimoiy kafolatlar, tibbiy nazoratning yo‘lga qo‘yilgani, maxsus texnikalarning texnik holati hamda mahallalarda maishiy chiqindilarni o‘z vaqtida olib chiqish holati atroflicha ko‘rib chiqildi.

📋O‘rganish davomida aniqlangan muammo va kamchiliklarni bartaraf etish, mavjud ishlarni takomillashtirish hamda aholiga ko‘rsatilayotgan xizmatlar sifatini yanada oshirish yuzasidan tegishli taklif va tavsiyalar ishlab chiqiladi.

📌Maishiy chiqindilarni o‘z vaqtida va sifatli olib chiqish — hududlarning sanitariya holatini yaxshilash, ekologik barqarorlikni ta’minlash hamda aholi uchun munosib yashash sharoitlarini yaratishning muhim omilidir.

✅Xalq deputatlari O‘rta Chirchiq tuman Kengashi kotibiyati axborot xizmati!
Telegram | Instagram | Facebook | YouTube