Yoshlar kuni munosabati bilan Shirin shahar hokimi, shahar deputati Dilfuza Kambarova tomonidan shaharimiz yoshlari bilan navbatdagi ochiq muloqot tashkil etildi. Bu galgi uchrashuv Sirdaryo IES korxonasida mehnat qilayotgan yoshlar ishtirokida bo‘lib o‘tdi.

Samimiy va ochiq ruhda kechgan muloqot davomida yoshlar o‘zlarini qiziqtirayotgan masalalar, taklif va tashabbuslarini bildirish imkoniyatiga ega bo‘ldilar. Xususan, yangi barpo etilgan Islom sivilizatsiyasi markaziga sayohat tashkil etish, tibbiy xizmatlar sifatini yanada yaxshilash hamda aholiga ko‘rsatilayotgan xizmatlar bilan bog‘liq ayrim masalalar yuzasidan murojaatlar bildirildi.

Muloqot davomida ko‘tarilgan murojaatlarning ayrimlari joyida hal etildi. Qo‘shimcha o‘rganish talab etiladigan masalalar esa nazoratga olinib, ularni ijobiy hal etish yuzasidan aniq vazifalar belgilandi.