Olmaliq shahrida aholi osoyishtaligini ta’minlash va jinoyatchilikning oldini olish choralari ko‘rilmoqda. Joriy yilning 12-mart kuni Xalq deputatlari Olmaliq shahar Kengashi deputatlari Baxodir Miralimov, Sevar Qodirova hamda Faxriddin Matasimovlar tomonidan hududlarda nazorat tadbirlari o‘tkazildi.

📍 O‘rganish markazida — “Qizil” hududlar

Deputatlar shahardagi vaziyat nisbatan murakkab bo‘lgan, ya’ni “qizil” hudud toifasiga kiritilgan Saxovat mahallasida bo‘lib, mavjud holatni atroflicha o‘rganishdi. Asosiy maqsad — jinoyat sodir etilishiga sabab bo‘layotgan omillarni aniqlash va ularni bartaraf etish.

🛡 Kiberjinoyatdan ogoh bo‘ling!

Fuqarolar bilan o‘tkazilgan muloqotlar davomida bugungi kunda dolzarb muammoga aylangan kiberjinoyatchilik (internet firibgarligi) masalasiga alohida to‘xtalib o‘tildi.

Ma’lumot uchun:Hozirda ushbu yo‘nalishda OAV orqali keng ko‘lamli targ‘ibot ishlari olib borilmoqda, mahallalarda esa profilaktika inspektorlari tomonidan tushuntirish ishlari kuchaytirilgan.

✍️ Muhim tavsiyalar:

O‘rganishlar davomida aholiga quyidagilar qayta eslatildi:

🔹Shubhali havolalarga (linklarga) kirmaslik;

🔹Plastik karta ma’lumotlarini begonalarga bermaslik;

🔹Har qanday shubhali holatda darhol mahalla inspektoriga murojaat qilish.

Xavfsizlik — faqat huquq tartibot organlarining emas, balki barchamizning mas’uliyatimizdir!