Xalq deputatlari Mirobod tuman Kengashining “Haftalik ish rejasi”ga muvofiq, deputat A.Eshmatov “Bilimdon” MFYda bo‘lib, “yettilik” a’zolari tomonidan amalga oshirilayotgan ishlarni 24 ta tavsiyaviy savolnoma asosida o‘rganish olib bordi.

O‘rganish tadbiri davomida “yettilik” faoliyatiga oid O‘zbekiston Respublikasi Prezidentining PF–209, PF-258-sonli Farmonlari, PQ-421-son qarori hamda Vazirlar Mahkamasining VM-486-sonli qarorlari ijrosi asosida o‘rganildi. 

Shuningdek, “yettilik” a’zolari bilan e’tibordan tushib qolayotgan, biroq yechimini kutib turgan mahalla idorasi binosi qurilishini asossiz cho‘zilishi va mini-futbol maydonchasi barpo etish hamda mahalla hududini ko‘kalamzorlashtirish, mavjud bolalar maydonchalarining holati to‘g‘risida batafsil suhbat olib borildi.

Suhbatdan so‘ng deputat A.Eshmatov, “Bilimdon” MFY raisi Rixsivoy Maxamatov, xokim yordamchisi, uchastka inspektori bilan birgalikda hududda mavjud muammolarni o‘rgandilar. “Bilimdon” MFY binosi qurilish ishlari cho‘zilib ketgan obyektda bo‘lib, quruvchilar bilan suhbat olib bordilar. 

Mahalla hududida mini-futbol maydonchasini barpo etish uchun yer maydonini joyida o‘rgandilar. Mahalla yettiligiga smeta hujjatlarini tayyorlab o‘rnatilgan tartibda Kengashga taklif kiritish tavsiya etildi. 

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash

 Facebook tarmog‘ida: https://www.facebook.com/share/p/1CMZpdqxre/