Yangiliklar
10 август 2026
Aholi farovonligi va kommunal soha barqarorligi — deputat e’tiborida
Xalq deputatlari Nurobod tumani Kengashining 22-Oltinsoy saylov okrugidan saylangan deputat Tagayeva Shaxnoza Omonovna tomonidan hududdagi mahallalarda aholiga ko‘rsatilayotgan kommunal xizmatlar sifati hamda muhandislik-kommunikatsiya tarmoqlarining bugungi holati yuzasidan o‘rganishlar o‘tkazildi.
O‘rganishlar davomida deputat asosiy e’tiborni aholini uzluksiz va sifatli elektr energiyasi hamda tabiiy va suyultirilgan gaz bilan ta’minlash masalalariga qaratdi. Shuningdek, hududlardagi transformator punktlari, gaz taqsimlash inshootlari hamda xizmat ko‘rsatuvchi korxonalarning texnik tayyorgarligi ko‘zdan kechirildi.
Ochiq muloqot tarzida o‘tgan uchrashuvlarda mahalla fuqarolaridan tushgan taklif va murojaatlar deputat tomonidan nazoratga olindi. Bir qator masalalar bo‘yicha joyida tegishli mutasaddilarga ko‘rsatmalar berilgan bo‘lsa, vaqt va qo‘shimcha o‘rganish talab etadigan muammolar yuzasidan deputatlik so‘rovlari yuborilishi belgilandi.Aholi muammolari xonadonbay o‘rganilmoqda
Aholi muammolari xonadonbay o‘rganilmoqda
Xalq deputatlari Nurobod tumani Kengashi deputati A.Hakimov deputatga biriktirilgan tashkilot vakillari bilan hamkorlikda tumandagi mahallalarda aholi muammolarini o‘rganish maqsadida xonadonlarga tashrif buyurib, fuqarolar bilan bevosita uchrashuvlar o‘tkazdi.
Uchrashuvlar davomida fuqarolarning murojaatlari tinglanib, ularni qiynayotgan muammo va masalalar joyida o‘rganildi.
Aniqlangan muammolarni hal etish maqsadida deputat tomonidan tegishli mas’ullar bilan muzokaralar olib borilib, har bir murojaat yuzasidan tegishli taklif va tavsiyalar berildi hamda muammolarni bartaraf etish bo‘yicha zarur choralar belgilandi.
📌 Aholi bilan xonadonbay muloqot qilish, ularning murojaatlarini joyida o‘rganish va muammolarning amaliy yechimiga ko‘maklashish deputatlik faoliyatining muhim yo‘nalishlaridan biridir.Jinoyatchilikning oldini olish bo‘yicha tushuntirish ishlari olib borildi
Xalq deputatlari Nurobod tumani Kengashi deputati A.Hakimov deputatga biriktirilgan tashkilot vakili bilan hamkorlikda tumandagi Amir Temur mahallasida jinoyatchilikka qarshi kurashish va uning oldini olish bo‘yicha aholi o‘rtasida tushuntirish-targ‘ibot ishlarini olib bordi.
Uchrashuv davomida fuqarolarga jinoyatchilik va huquqbuzarliklarning oldini olish, jamoat tartibini saqlash, qonun talablariga rioya etish hamda turli salbiy holatlarga befarq bo‘lmaslik yuzasidan tegishli tushunchalar berildi.
Shuningdek, mahallada osoyishtalik va xavfsiz muhitni ta’minlash, huquqbuzarliklarning oldini olishda fuqarolarning faolligini oshirish bo‘yicha tavsiyalar bildirildi.
📌 Bunday profilaktik tadbirlar hududda jinoyatchilikning barvaqt oldini olish, fuqarolarning huquqiy madaniyatini yuksaltirish hamda jamoat xavfsizligini ta’minlashga xizmat qiladi.Xalq bilan muloqot va huquqiy savodxonlik: Deputat A.Hakimov “Amir Temur” mahallasida targ‘ibot tadbirini o‘tkazdi
Xalq deputatlari Nurobod tumani Kengashi deputati A.Hakimov 1-Nurobod saylov okrugiga qarashli “Amir Temur” mahallasi aholisi bilan uchrashib, bugungi kunda jamiyatimizda dolzarb va hayotiy ahamiyatga ega bo‘lgan kiberxavfsizlik va shaxsiy ma’lumotlarni muhofaza qilish masalalariga bag‘ishlangan targ‘ibot tadbirini tashkil etdi.
Uchrashuvda deputat O‘zbekiston Respublikasining “Kiberxavfsizlik to‘g‘risida”gi hamda “Shaxsga doir ma’lumotlar to‘g‘risida”gi Qonunlarining mazmun-mohiyatini sodda va tushunarli tilda fuqarolarga atroflicha sharhlab berdi. Bugungi raqamlashtirish davrida har bir fuqaroning axborot sohasidagi huquqlari, shuningdek, shaxsiy ma’lumotlarni himoya qilishning huquqiy asoslari haqida muhim tushunchalar berildi.
Tadbirlar davomida hozirgi kunda tobora avj olayotgan kiberjinoyat va firibgarliklarning oldini olish masalasiga alohida urg‘u berildi. Deputat fuqarolarga internet va ijtimoiy tarmoqlardan foydalanishda xavfsizlik qoidalariga qat’iy rioya qilish zarurligini ta’kidladi:
Shubhali havolalar: Har xil begona va shubhali xabarlar bilan kelgan havola (link)larga kirmaslik hamda noma’lum fayllarni yuklab olmaslik;
Shaxsiy ma’lumotlar daxlsizligi: Bank kartalari raqamlari, SMS orqali keladigan maxfiy kodlar va shaxsga tegishli boshqa ma’lumotlarni hech kimga taqdim etmaslik;
Kiberxavfsizlik madaniyati: Raqamli makonda doimo ogoh va hushyor bo‘lish.
Ochiq muloqot va savol-javob ruhida o‘tgan uchrashuvda mahalla ahlining sohaga oid ko‘plab savollariga deputat tomonidan batafsil javoblar berildi.Aholi muammolari joyida o‘rganildi
Xalq deputatlari Nurobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi X.Xazratova hamda deputatga biriktirilgan tashkilot vakili bilan hamkorlikda 1-Nurobod saylov okrugiga qarashli Amir Temur mahallasida aholi muammolarini o‘rganish bo‘yicha amaliy ishlar olib borildi. O‘rganish davomida fuqarolar tomonidan bildirilgan murojaat va takliflar tinglanib, aniqlangan muammolar tegishli mas’ullar bilan muhokama qilindi. Mavjud muammolarni bartaraf etish yuzasidan mas’ul tashkilotlar bilan kelishilgan holda tegishli taklif va tavsiyalar berildi hamda ularning yechimi bo‘yicha zarur choralar ko‘rildi. 📌 Aholi bilan bevosita muloqot qilish, murojaatlarni joyiga chiqqan holda o‘rganish va ularning yechimini ta’minlash deputlik faoliyatining muhim yo‘nalishlaridan biridir.SAYLOV OKRUGIDA DEPUTAT NAZORATI: MEHNATKASH MAHALLASIDA "MAHALLA YETTILIGI" FAOLIYATI O‘RGANILDI
Xalq deputatlari Nurobod tumani Kengashi deputati D.Xushvaqtov tomonidan 16-saylov okrugi hududida joylashgan Mehnatkash mahallasida navbatdagi deputatlik nazorati va o‘rganish tadbiri o‘tkazildi.
Tadbir davomida deputatga biriktirilgan mas’ul tashkilot vakillari hamda "mahalla yettiligi" a’zolarining hamkorlikdagi faoliyati, mahalla infratuzilmasi va aholi murojaatlari bilan ishlash tizimi atroflicha tahlil qilindi.
Aholi murojaatlarini o‘rganish, ijtimoiy qo‘llab-quvvatlash, bandlik va tadbirkorlik, huquqbuzarliklar profilaktikasi hamda hududda tinchlik va osoyishtalikni ta’minlash, xotin-qizlar va yoshlar o‘rtasida jinoyatchilikning oldini olish borasidagi qilinayotgan profilaktik ishlar muhokama qilindi.
O'rganishlar davomida erishilgan natijalar bilan birga sohada yo‘l qo‘yilgan ayrim kamchiliklar ham ko‘rsatib o‘tildi.
Uchrashuv yakunida aniqlangan kamchiliklarni qisqa muddatlarda bartaraf etish, "mahalla yettiligi"ning o‘zaro integratsiyasini yanada kuchaytirish hamda hududni ijtimoiy-iqtisodiy rivojlantirish bo‘yicha mas’ullarga tegishli tavsiyalar va aniq vazifalar belgilandi.Kelajak bunyodkorlariga g‘amxo‘rlik: Deputatlarning amaliy ko‘magi bilan yangi o‘quv yiliga tayyorgarlik
2026-2027-o‘quv yili yaqinlashgani sari mamlakatimiz bo‘ylab ta’lim muassasalarida va xonadonlarda qizg‘in tayyorgarlik ishlari olib borilmoqda. Ayniqsa, ehtiyojmand va kam ta’minlangan oilalar farzandlarini maktabga tayyorlash, ularni zarur o‘quv qurollari hamda sifatli maktab formalari bilan ta’minlashga alohida e’tibor qaratilmoqda.
Ushbu ezgu va xayrli tashabbus doirasida Xalq deputatlari Nurobod tumani Kengashi deputati N.Norqarayev tomonidan tumandagi “Ag‘ron” mahallasida istiqomat qiluvchi kam ta’minlangan oilalar holidan xabar olindi.
Yangi o‘quv yili bo‘sag‘asida deputat tomonidan ushbu oilalarning maktab yoshidagi farzandlariga maxsus ajratilgan maktab formalari hamda dars jarayonlari uchun kerakli bo‘lgan barcha o‘quv qurollari to‘plami topshirildi. Ushbu amaliy yordam o‘quvchilarning bilim olishga bo‘lgan ishtiyoqini oshirish va yangi o‘quv yilini yuqori kayfiyatda boshlashlariga katta turtki bo‘ldi.Deputatlarning bunday amaliy tashabbuslari tuman bo‘ylab davom etmoqda va yangi 2026-2027-o‘quv yilini har bir xonadonda yuqori kayfiyat bilan kutib olishga xizmat qilmoqda.Deputatlar nazoratida: Sarikulda tomorqa va dehqon xo‘jaliklari qonunchiligi ijrosi o‘rganildi
Xalq deputatlari Nurobod tumani Kengashi deputatlari o‘zi saylangan hududlarda aholi farovonligini oshirish va yer resurslaridan samarali foydalanish borasida deputatlik nazoratini izchil amalga oshirmoqda.
Xalq deputatlari Nurobod tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi S.Samatov hamda komissiyaga biriktirilgan tuman Qishloq xo‘jaligi bo‘limi xodimi hamkorlikda 9-Sarikul saylov okrugiga qarashli "Sarikul" mahallasida amaliy o‘rganish ishlarini olib bordilar.
O‘rganishlar davomida O‘zbekiston Respublikasining 2021-yil 1-aprelda qabul qilingan "Tomorqa xo‘jaligi to‘g‘risida"gi (O‘RQ-681-sonli) hamda "Dehqon xo‘jaligi to‘g‘risida"gi (O‘RQ-680-sonli) Qonunlari talablarining ijrosi, xususan:
Tomorqa yer egalari va dehqon xo‘jaliklarining huquq va majburiyatlariga rioya etilishi;
Yer maydonlaridan maqsadli va samarali foydalanilishi, ekin turlarining to‘g‘ri tanlangani;
Aholining daromadini oshirish va mahsulot yetishtirish hajmini ko‘paytirish bo‘yicha amalga oshirilayotgan ishlar atroflicha tahlil qilindi.
O‘rganish davomida mahalladagi xonadon egalari bilan muloqot o‘tkazilib, har bir qarich yerdan unumli foydalanish, zamonaviy issiqxonalar tashkil etish hamda qishloq xo‘jaligi mahsulotlarini yetishtirishda qonunchilikda berilgan imtiyoz va imkoniyatlar tushuntirildi.
Xalq deputatlari Nurobod tumani Kengashining doimiy komissiyalari tomonidan bunday o‘rganish va nazorat tadbirlari tumanning barcha hududlarida izchil davom ettiriladi.18-Bunyodkor saylov okrugida qonunchilik targ‘ibotiga bag‘ishlangan uchrashuv o‘tkazildi
18-Bunyodkor saylov okrugida qonunchilik targ‘ibotiga bag‘ishlangan uchrashuv o‘tkazildi
Xalq deputatlari Nurobod tumani Kengashi deputati Xudayarov Xushbek Normurodovich 18-Bunyodkor saylov okrugi hududida fuqarolar va mahalliy tadbirkorlar bilan amaliy targ‘ibot muloqotini o‘tkazdi.
Uchrashuvda deputat aholiga quyidagi asosiy normativ-huquqiy hujjatlarning mazmun-mohiyatini tushuntirib o‘tdi:
«Fuqarolarning davlat pensiya ta’minoti to‘g‘risida»gi Qonun (03.09.1993 y., №938-XII) — fuqarolarning keksalikda va ijtimoiy yordamga muhtojlikda davlat tomonidan kafolatlangan ta’minot olish huquqlari;
O‘zbekiston Respublikasining Soliq kodeksi — soliq stavkalari, imtiyozlar hamda tadbirkorlikni yuritish qoidalari;
O‘zbekiston Respublikasining Budjet kodeksi (26.12.2013 y., O‘RQ-360-son) — davlat budjeti mablag‘larining shakllanishi va ularning ijtimoiy sohalarga taqsimlanish tartibi.
Muloqot davomida soliq tushumlari va ijtimoiy to‘lovlar o‘rtasidagi uzviy bog‘liqlik hamda tadbirkorlik faoliyatini kengaytirish masalalariga e’tibor qaratildi. Soliqlarni o‘z vaqtida to‘lash tuman miqyosida pensiya, ijtimoiy nafaqa va ish haqi to‘lovlarining uzluksizligini ta’minlashga xizmat qilishi ta’kidlandi.
Shuningdek, aholini o‘zini o‘zi band qilishi, kichik biznes sub’yektlarini tashkil etishi hamda amaldagi soliq imtiyozlaridan foydalanishi bo‘yicha tegishli tavsiyalar berildi.DEPUTATLAR MAHALLLADA: AHOLI MUAMMOLARI BEVOSITA XONADONBAY O‘RGANILDI
Xalq deputatlari Nurobod tumani Kengashi deputatlari joylarda aholi bilan yuzma-yuz muloqot qilish, ularning murojaat va takliflarini bevosita xonadonlarga kirgan holda o‘rganish ishlarini tizimli davom ettirmoqda.
Xususan, Xalq deputatlari Nurobod tumani Kengashi raisi Z.Suyarova, tuman Kengashi deputatlari hamda biriktirilgan tashkilot xodimlari ijrosida 16-Sazag‘on saylov okrugiga qarashli Mehnatkash mahallasida navbatdagi o‘rganishlar o‘tkazildi.
Muloqotlar davomida deputatlar:
Aholi xonadonlarida bo‘lib, fuqarolarning kundalik hayotdagi maishiy, ijtimoiy va infratuzilmaviy muammolarini tinglashdi;
Mahalla ahlidan tushgan taklif va tashabbuslarni joyida atroflicha muhokama qilishdi;
Hududdagi mavjud masalalarni hal etish uchun mas'ul tashkilot vakillari bilan birgalikda aniq choralar belgilab olishdi.
O‘rganishlar natijasida aniqlangan aksariyat masalalar bo‘yicha deputatlar tomonidan mas'ul idoralarga tegishli topshiriqlar berildi va ularning ijrosi qat'iy nazoratga olindi. Bir qator murojaatlarga esa joyida huquqiy va amaliy tushunchalar berildi.
Deputatlarning bunday xonadonbay muloqotlari tumanning boshqa hududlarida ham izchil davom etmoqda.