Deputatlik so‘rovi yuborildi

Xalq deputatlari Termiz tuman Kengashi deputati tomonidan fuqarolar bilan uyma-uy yurish va sayyor qabul davomida kelib tushgan murojaatlar asosida Bunyodkor mahalla fuqarolar yig‘ini hududidagi elektr ta’minoti bilan bog‘liq muammo yuzasidan mas’ul tashkilotga deputatlik so‘rovi yuborildi.

O‘rganishlar davomida hududda elektr energiyasi kuchlanishining pastligini bartaraf etish maqsadida yangi elektr tarmog‘i tortilgani va transformatorni o‘rnatish uchun zarur tayyorgarlik ishlari amalga oshirilgani, biroq transformator belgilangan joyga o‘rnatilmaganligi sababli yangi tarmoq hanuzgacha ishga tushirilmagani aniqlandi.

Shuningdek, yangi tarmoq foydalanishga topshirilmaganligi sababli fuqarolar elektr energiyasidan uzluksiz foydalanish uchun o‘z mablag‘lari hisobidan 100–200 metr masofadagi mavjud elektr tarmoqlaridan uylariga sim tortishga majbur bo‘layotgani ma’lum bo‘ldi.

Deputatlik so‘rovida transformatorni belgilangan joyga o‘rnatish, yangi elektr tarmog‘ini ishga tushirish, aholini yangi tarmoqqa ulash hamda mazkur ishlarning yakunlanish muddatlari yuzasidan asoslantirilgan yozma ma’lumot taqdim etish so‘ralgan.

Mazkur masalaning ijrosi deputatlik nazoratiga olinib, fuqarolar murojaatlarining ijobiy hal etilishi yuzasidan monitoring ishlari davom ettiriladi.