🔹Xalq deputatlari Nurobod tumani Kengashining 2026-yil 6-maydagi VII-20-30-7-99-K/26-sonli qaroriga asosan, tumandagi 65 ta nomsiz ko‘chalarga rasmiy ravishda nom berildi.

🔹Mazkur qaror tuman hokimligi huzuridagi Geografik ob’yektlarga nom berish va qayta nomlash komissiyasi tomonidan kiritilgan takliflar hamda O‘zbekiston Respublikasi Iqtisodiyot va moliya vazirligi huzuridagi Kadastr agentligining ekspertiza xulosasi asosida qabul qilindi.

🔹Ta’kidlash joizki, ko‘chalarni nomlash jarayonida O‘zbekiston Respublikasining “Geografik ob’yektlarning nomlari to‘g‘risida”gi Qonuni talablariga qat’iy amal qilindi. Shuningdek, Kadastr agentligining 2026-yil 19-martdagi 03/08-2830-sonli xati ham huquqiy asos sifatida xizmat qildi.

🔹Mazkur qaror aholi yashash manzillarini aniq belgilash, hududlarda manzillar tizimini tartibga solish, kommunal va pochta xizmatlari sifatini oshirish hamda navigatsiya tizimlarida qulaylik yaratishda muhim ahamiyat kasb etadi.