Doimiy komissiya yig‘ilishi o‘tkazildi

Xalq deputatlari tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Muqimova hamda siyosiy partiyalar vakillari ishtirokida navbatdagi doimiy komissiya yig‘ilishi bo‘lib o‘tdi.

Yig‘ilishda bitiruvchilari oliy ta’lim muassasalariga kirish ko‘rsatkichlari past bo‘lgan umumta’lim maktablarida ta’lim sifati, o‘quvchi va o‘qituvchilar uchun yaratilgan sharoitlar, o‘qituvchilarning pedagogik mahorati hamda o‘quvchilarning darslarga qatnashish darajasi atroflicha muhokama qilindi.

Shuningdek, xotin-qizlarni qo‘llab-quvvatlash, ularning tadbirkorlik faoliyatini rivojlantirishga ko‘maklashish, huquq va qonuniy manfaatlarini himoya qilish borasida amalga oshirilayotgan ishlar yuzasidan ham masalalar ko‘rib chiqildi.