OYDIN HOJIYEVA XOTIRASIGA EHTIROM KO‘RSATILDI.

Qiziltepa tumanidagi korxona va tashkilotlarda, ta’lim muassasalarida O‘zbekiston xalq shoiri, “El-yurt hurmati” ordeni sohibasi Oydin Hojiyevaning tavallud kuni hamda uning xotirasiga ehtirom ko‘rsatishga bag‘ishlangan ma’naviy-ma’rifiy tadbirlar tashkil etildi.  

Jumladan, tumandagi ijodkorlar, faxriylar, shoiraning yaqinlari, keng jamoatchilik vakillari va yoshlar ishtirokida tuman o‘lkashunoslik muzeyiga sayohat hamda davra suhbati tashkil etildi.

Tadbirda tuman kengashi deputatlari M.Karimova hamda R.Valiyevalar ham ishtirok etishdi.

Tadbir ishtirokchilari muzeyga sayohat jarayonida Oydin Hojiyevaga atab tashkil etilgan bo‘limdagi eksponatlar bilan yaqindan tanishib, shoiraning hayoti va ijodi, o‘zbek milliy adabiyotidagi o‘rni xususida suhbat uyushtirishdi.