Bugun yurtimizda sog‘liqni saqlash tizimi taraqqiyotiga, inson salomatligini muhofaza qilishga katta e’tibor qaratilmoqda. Muhtaram Prezidentimiz Shavkat Mirziyoyevning tibbiyot va farmatsevtika xodimlari bilan o‘tkazgan uchrashuvi bu yo‘nalishdagi islohotlarning yangi bosqichini boshlab berdi.  

 Davlatimiz rahbari soha vakillarini kasb bayrami bilan samimiy tabriklar ekan, shifokorlar, hamshiralar va farmatsevtlarning fidokorona mehnatini yuksak qadrladi. Ushbu soha xodimlari el-yurtimiz salomatligining posbonlari ekanini ta’kidlab, ularga minnatdorlik bildirdi.  

 Prezidentimiz nutqida zamonaviy tibbiyotni farmatsevtika sohasisiz tasavvur etib bo‘lmasligi qayd etildi. Shu munosabat bilan endi bu bayram “Tibbiyot va farmatsevtika xodimlari kuni” sifatida nishonlanishi taklif etildi. Bu tashabbus soha vakillariga yangi kuch-g‘ayrat, izlanish va rivojlanish ruhini bag‘ishlaydi.  

 Tibbiyot tizimini yanada takomillashtirish, aholiga sifatli tibbiy xizmat ko‘rsatish, yangi texnologiya va ilg‘or amaliyotlarni joriy etish borasidagi davlat dasturlari bugungi kunda o‘z samarasini bermoqda.  

 Tuman kengashi deputati va soha vakili sifatida aytish mumkinki, Prezidentimiz rahnamoligida amalga oshirilayotgan bu kabi tashabbuslar xalqimiz salomatligi va soha rivoji yo‘lida yangi imkoniyatlar eshigini ochmoqda. 

Ibrohim O‘rinov, tuman tibbiyot birlashmasi Ambulator poliklinika xizmati bo’yicha boshliq o‘rinbosari, tuman Kengashi deputati