Nókis rayonı hákimliginiń májilisler zalında Xalıq deputatları Nókis rayonlıq Keńesiniń gezektegi jetinshi shaqırıq on besinshi sessiyası bolıp ótti.

Sessiya jumısına rayonlıq Keńes deputatları hám tiyisli taraw basshıları, jergilikli ǵalaba xabar quralları wákilleri qatnastı.

Sessiyanı Xalıq deputatları Nókis rayonlıq Keńesi baslıǵı Z.Zaytov kiris sóz benen ashtı hám basqarıp bardı.

Sessiyanıń kún tártibindegi dáslepki másele Nókis rayonınıń 2026-jılǵı jergilikli byudjetin tastıyıqlaw haqqında rayon hákiminiń birinshi orınbasarı B.Tileuovtıń málimlemesi tıńlandı.

Keyingi másele Nókis rayonı Nókis rayonı shańaraq hám hayal-qızlar bólimi tárepinen 2025-jıldıń 12 ayı dawamında ámelge asırılǵan jumıslar boyınsha Nókis rayonı hákiminiń orınbasarı – shańaraq hám hayal-qızlar bólimi baslıǵı S.Abatovanıń esabatı tıńlandı.

Kún tártibindegi sońǵı másele shólkemlestiriw máselesi yaǵnıy, Xalıq deputatları Nókis rayonlıq Keńesi baslıǵı etip N.Seytnazarov saylandı.

Kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha rayonlıq Keńes deputatları tárepinen tiyisli qararlar qabıl etildi.