Xalq deputatlari Qo‘qon shahar Kengashi deputati, Qo‘qon shahar hokimi M.A.Usmonov tomonidan “Tolzor” mahalla fuqarolar yig‘inida o‘tkazilgan fuqarolar qabuli davomida navbatdagi murojaatlar ko‘rib chiqildi.

Qabul jarayonida Amir Temur ko‘chasi 24-uy, 5-xonadonda yashovchi fuqaro F.Gimaziyeva tadbirkorlik faoliyatini yo‘lga qo‘yish hamda mahalla hududida bolalar maydonchasini barpo etish masalalarida amaliy ko‘mak so‘rab murojaat qildi.

Murojaat davomida hududda bolalarning mazmunli hordiq chiqarishi va xavfsiz dam olishi uchun zamonaviy bolalar maydonchasini tashkil etish, shuningdek, tadbirkorlik faoliyatini boshlash uchun zarur sharoitlarni yaratish yuzasidan o‘z taklif va istaklarini bildirdi.

Mazkur murojaatlar yuzasidan deputat, shahar hokimi M.A.Usmonov tomonidan masalalar shaxsiy nazoratga olinib, ularni mas’ul tashkilotlar bilan hamkorlikda atroflicha ko‘rib chiqish hamda amaldagi qonunchilik asosida ijobiy hal etish bo‘yicha zarur choralar ko‘rilishi belgilandi.

Xalq deputatlari Qo‘qon shahar Kengashi