Binokor mahallasida ijtimoiy xodim faoliyati o‘rganildi

Xalq deputatlari Navoiy shahar Kengashi deputati Xasanova Gulshan Zokirovna, Navoiy shahar Kengashi kotibiyati bosh mutaxassisi Muborak Astanova hamda ishchi guruh a’zolari tomonidan Binokor mahallasida ijtimoiy xodim Qo‘chqorova

Nafisa Shuhratovnaning ish faoliyati o‘rganildi.
O‘rganish jarayonida mahalladagi ijtimoiy holat, aholiga ko‘rsatilayotgan xizmatlar hamda ehtiyojmand oilalar bilan olib borilayotgan manzilli ishlar tahlil qilindi.

Ma’lumotlarga ko‘ra, mahallada jami 4752 nafar aholi istiqomat qiladi. 1171 ta xonadon va 1142 ta oila mavjud bo‘lib, ayollar soni 2734 nafarni tashkil etadi. Kambag‘allik reyestriga kiritilgan 22 ta oila bilan manzilli ishlar olib borilmoqda.

O‘rganish yakunida ijtimoiy himoyaga muhtoj oilalarni qo‘llab-quvvatlash, fuqarolar bilan ishlash samaradorligini oshirish hamda mavjud muammolarni bartaraf etish bo‘yicha tegishli tavsiyalar berildi.