Navoiy viloyati ko‘zi ojizlar maxsus kutubxonasi shahar filialining faoliyati o‘rganildi

Xalq deputatlari Navoiy shahar Kengashi deputati Xasanova Gulshan Zokirovna, Navoiy shahar Kengashi kotibiyati bosh mutaxassisi Muborak Astanova hamda ishchi guruh a’zolari tomonidan Navoiy viloyati ko‘zi ojizlar maxsus kutubxonasi shahar filialining faoliyati o‘rganildi.

O‘rganish davomida kutubxonada yaratilgan shart-sharoitlar, ko‘zi ojiz va zaif ko‘ruvchi fuqarolarga ko‘rsatilayotgan axborot-kutubxona xizmatlari, kitob fondidan foydalanish imkoniyatlari hamda ma’naviy-ma’rifiy tadbirlarni tashkil etish holati tahlil qilindi.

Shuningdek, filial faoliyatini yanada rivojlantirish, kitobxonlar uchun qulay sharoitlar yaratish, xizmatlar sifatini oshirish hamda zamonaviy imkoniyatlardan samarali foydalanish yuzasidan tegishli tavsiya va takliflar bildirildi.

O‘rganish yakunlari bo‘yicha aniqlangan masalalarni bartaraf etish va belgilangan vazifalarni samarali amalga oshirish yuzasidan tegishli tavsiyalar berildi.