Xalq deputatlari Jondor tumani Kengashiga 22-Demun saylov okrugidan saylangan deputat G.Jabborova hamda tuman Kengashi kotibiyati bosh mutaxassislari J.Norov va R.Murodovlar hamkorligida “Sho‘robod” mahallasida nogironligi mavjud shaxslarga davlat tomonidan berilgan imtiyozlarning to‘g‘ri qo‘llanilishi holati o‘rganildi.
✔️O‘rganish davomida mahallada istiqomat qilayotgan nogironligi mavjud fuqarolarning ijtimoiy himoyasi, ularga ajratilgan imtiyoz va xizmatlardan foydalanish darajasi, tibbiy xizmatlarning sifati hamda murojaatlar bilan ishlash holatiga alohida e’tibor qaratildi.
✔️Shuningdek, 19-oilaviy poliklinika umumiy amaliyot shifokori va patronaj hamshiralari tomonidan nogironligi mavjud fuqarolar bilan olib borilayotgan ishlar, ularning “Mahalla yettiligi” bilan o‘zaro hamkorligi, fuqarolarni muntazam tibbiy ko‘rikdan o‘tkazish hamda manzilli xizmat ko‘rsatish tizimi ham ko‘zdan kechirildi.
✔️O‘rganish yakunida aniqlangan holatlar yuzasidan tegishli mutasaddilarga amaliy tavsiyalar berildi hamda nogironligi mavjud shaxslarning qonuniy huquq va manfaatlarini ta’minlash, ularga yaratilayotgan imkoniyatlardan to‘liq foydalanishini nazorat qilish bo‘yicha zarur choralar belgilandi.
✔️Xalq deputatlari Jondor tumani Kengashi tomonidan aholining ijtimoiy himoyaga muhtoj qatlamlarini qo‘llab-quvvatlash, ularning murojaatlarini joyida o‘rganish va mavjud muammolarni bartaraf etishga qaratilgan deputatlik nazorati izchil davom ettirilmoqda.