Xalq deputatlari Ishtixon tumani Kengashi deputatlari M.Raximov va N.Kiyamov tomonidan Shayxlarkent mahallasida joylashgan Shayxlarkent massivida ko‘p qavatli uylar hududida chiqindilarni o‘z vaqtida olib chiqish holatini o‘rganish maqsadida joyiga chiqib o‘rganish ishlari olib borildi.

O‘rganish davomida ko‘p qavatli uylar atrofi hamda chiqindi to‘plash joylarining holati, maishiy chiqindilarni o‘z vaqtida olib chiqish, hududlarda sanitariya va tozalikni ta’minlash bo‘yicha amalga oshirilayotgan ishlar ko‘zdan kechirildi.

Aniqlangan kamchiliklarni bartaraf etish hamda hududlarda tozalikni yanada yaxshilash yuzasidan mas’ul tashkilotlarga tegishli tavsiyalar berildi.

Mazkur o‘rganishlar hududlarda sanitariya holatini yaxshilash, chiqindilarni o‘z vaqtida olib chiqishni ta’minlash hamda aholi uchun yanada toza va obod muhit yaratishga xizmat qiladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/)