Qiziltepa tumanida yangi 15 gektarlik bog‘ yaratildi.

Ramazon hayiti va Navro‘z bayramlarini munosib kutib olish maqsadida yurtimizning barcha hududlarida “Yurt obodligi, avvalo, mahalladan boshlanadi!” shiori ostida umumxalq xayriya hashari keng ko‘lamda o‘tkazildi.

Mazkur ezgu tashabbus doirasida Qiziltepa tumanida ham keng qamrovli obodonlashtirish va ko‘kalamzorlashtirish ishlari amalga oshirilib, yangi 15 gektarlik bog‘ barpo etildi.

Xalq deputatlari tuman Kengashi deputatlari ham “Yashil makon” umummilliy loyihasida faol ishtirok etib, hududni yanada obod va yashil maskanga aylantirishga o‘z hissalarini qo‘shmoqdalar.

Jumladan, tuman Kengashi deputatlari M.Karimova hamda F.G‘oziyevalar tuman Kengashi kotibiyat bosh mutaxassislari D.Qanoatov, U.Sodiqovlar ham Malikobod mahallasida o‘tkazilgan “Yashil makon” umumxalq tadbirida faol qatnashib, ko‘chat ekish va obodonlashtirish ishlarida bevosita ishtirok etdilar.