🏘 Hududlarda o‘rganish va bandlikka ko‘maklashish ishlari

Xalq deputatlari Yakkasaroy tumani Kengashi 4-Muhandislar saylov okrugi deputati Fazilov Ramiz Yasharovich, Xalq deputatlari Yakkasaroy tumani Kengashi kotibiyati bosh mutaxassislari Adashboyev Aziz Ag‘zam o‘g‘li, Abdullajonov Dilshod Komiljon o‘g‘li hamda “Muhandislar” nomli mahalla  fuqarolar yig‘ini hududida “mahalla yettiligi” a’zolari bilan hamkorlikda hududlarga chiqib, o‘rganish ishlarini amalga oshirdilar.

O‘rganish jarayonida mahalla raisi Sultanov Akmal Xidoyat-Sarkorovich, hokim yordamchisi Abdiyev Shaxzod Anvar o‘g‘li, mahallaga biriktirilgan ijtimoiy xodim Odilov Odil Urol o‘g‘li, xotin-qizlar faoli Kuldasheva Gulira’no Ortiqboyevna, yoshlar yetakchisi Abdiraxmanov Asliddin Akbarovich, soliq inspektori Atamuxamedov Komol Urunbayevich hamda profilaktika inspektori Nurmatov Shuxratjon G‘ayrat o‘g‘li bilan birgalikda, belgilangan 24 ta tavsiya asosida ko‘chama-ko‘cha yurilib, aholi turmush sharoitlari, mavjud muammolar hamda ehtiyojlari joyida o‘rganildi.

O‘rganishlar davomida Muqimiy 1-tor ko‘chasi 13-uy 14-xonadonda istiqomat qiluvchi fuqaro G‘ofurjonov Abdullox Mamurjon o‘g‘lining bandlik masalasi atroflicha o‘rganildi. Fuqaro “MOBILNIY MIR” mas’uliyati cheklangan jamiyatiga operator lavozimiga ishga qabul qilinib, uning barqaror bandligi va doimiy daromad manbai shakllangani aniqlandi. Mazkur ishga joylashish jarayoni hokim yordamchisi Abdiyev Shaxzod Anvar o‘g‘li tomonidan amalga oshirilgan bo‘lib, jarayon davomida fuqaroning mehnat sharoitlari, ish joyiga moslashuvi hamda ish faoliyatini barqaror davom ettirishi uchun zarur ko‘maklar ko‘rsatilganligi qayd etildi. Shuningdek, fuqaroning kelgusida kasbiy malakasini oshirish va mehnat bozorida o‘z o‘rnini mustahkamlash imkoniyatlari ham o‘rganib chiqildi. Kelgusida ham fuqarolar bandligini ta’minlash, ijtimoiy himoyaga muhtoj qatlamlarni qo‘llab-quvvatlash hamda barqaror daromad manbalarini yaratish bo‘yicha tizimli ishlar davom ettirilishi belgilandi.

Hududda olib borilgan o‘rganishlar davomida aniqlangan muammolarni bartaraf etish, aholi uchun qulay va xavfsiz muhit yaratish borasidagi ishlar izchil davom ettiriladi.