🏘 Hududlarda o‘rganish ishlari olib borildi va xavfsizlik masalalari muhokama qilindi

Xalq deputatlari Yakkasaroy tumani Kengashi 4-Muhandislar saylov okrugi deputati Fazilov Ramiz Yasharovich, Xalq deputatlari Yakkasaroy tumani Kengashi kotibiyati bosh mutaxassislari Adashboyev Aziz Ag‘zam o‘g‘li, Abdullajonov Dilshod Komiljon o‘g‘li hamda “Muhandislar” nomli mahalla fuqarolar yig‘ini hududida “mahalla yettiligi” a’zolari bilan hamkorlikda hududlarga chiqib, o‘rganish ishlarini amalga oshirdilar.

O‘rganish jarayonida mahalla raisi Sultanov Akmal Xidoyat-Sarkorovich, hokim yordamchisi Abdiyev Shaxzod Anvar o‘g‘li, mahallaga biriktirilgan ijtimoiy xodim Odilov Odil Urol o‘g‘li, xotin-qizlar faoli Kuldasheva Gulira’no Ortiqboyevna, yoshlar yetakchisi Abdiraxmanov Asliddin Akbarovich, soliq inspektori Atamuxamedov Komol Urunbayevich hamda profilaktika inspektori Nurmatov Shuxratjon G‘ayrat o‘g‘li bilan birgalikda, belgilangan 24 ta tavsiya asosida ko‘chama-ko‘cha yurilib, aholi turmush sharoitlari, mavjud muammolar hamda ehtiyojlari joyida o‘rganildi.

Shuningdek, piyodalarga xavfsiz sharoit yaratish maqsadida hududdagi piyodalar o‘tish joylariga svetofor o‘rnatish masalasi ham ko‘rib chiqildi. Mazkur yo‘nalishda hudud atroflicha o‘rganilib, mavjud yo‘l harakati zichligi, piyodalar oqimi hamda xavfsizlik darajasi tahlil qilindi. Mutasaddi tashkilotlar bilan hamkorlikda ushbu masalani bosqichma-bosqich hal etish, zarur texnik vositalarni o‘rnatish hamda aholining xavfsiz harakatlanishini ta’minlash bo‘yicha tegishli choralarni ko‘rish yuzasidan aniq vazifalar belgilab olindi.

Hududda olib borilgan o‘rganishlar davomida aniqlangan muammolarni bartaraf etish, aholi uchun qulay va xavfsiz muhit yaratish borasidagi ishlar izchil davom ettiriladi.