O‘rganish jarayonida korxona tomonidan tuman hududi to‘liq qamrab olinmaganligi, maxsus texnikalar yetishmasligi, debitor qarzdorlik kun sayin ortib borayotgani, aholi o‘rtasida xizmatdan norozilik mavjudligi aniqlanib, bu holatlar qonun ijrosining bugungi kun talablariga javob bermayotganidan dalolat berishi qayd etildi.

Shuningdek, korxonada kadrlar qo‘nimsizligi saqlanib qolayotgani hamda nazoratning lozim darajada yo‘lga qo‘yilmaganligi ishlar tashkil etilishiga salbiy ta’sir ko‘rsatayotgani ta’kidlandi.

Tuman Kengashi deputati tomonidan ushbu korxona faoliyati yuzasidan tegishli mas’ullarga yozma takliflar kiritishga kelishib olindi hamda “Toza hudud” DUK tuman filialining mas’ullariga qonun ijrosini belgilangan talablar darajasiga ko‘tarish bo‘yicha zarur tavsiyalar berildi.