Mahalliy Kengash deputatlari faoliyatini samarali tashkil etish, hududlardagi mavjud muammolarni joyida o‘rganish hamda aholi manfaatlarini himoya qilish borasida keng imkoniyat va vakolatlar yaratilmoqda. Xususan, deputatlar tomonidan mahallalarda yoshlar bandligi, kambag‘allikni qisqartirish, tibbiy xizmat sifati, infratuzilma, yo‘l va kommunal xizmatlar, ijtimoiy himoya, jinoyatchilikning oldini olish, investitsiya va bandlik masalalarini bevosita joyiga chiqib o‘rganish hamda tegishli mutasaddilar bilan birgalikda muammolar yechimini ta’minlashga alohida e’tibor qaratilmoqda. Mazkur tavsiyalar deputatlik faoliyatining ustuvor 24 ta yo‘nalishlarini belgilab berib, xalq bilan muloqotni yanada kuchaytirish, aholi murojaatlarini tizimli hal etish hamda hududlarni kompleks rivojlantirishga xizmat qiladi.