#Kengash_raisi_faoliyati 

Xalq deputatlari Payariq tumani Kengashi raisi A.Tavboyev hamda kotibiyat bosh mutaxassisi N.Jazilov ishtirokida tuman maktabgacha va maktab ta’limi bo‘limi faoliyati o‘rganildi.

O‘rganish davomida hududdagi 103 ta umumiy o‘rta ta’lim maktabida jami 53 723 nafar o‘quvchiga malakali pedagoglar tomonidan ta’lim-tarbiya berilayotgani ma’lum qilindi. Pedagog kadrlarning sifat tarkibi tahlil qilinib, ularning muayyan qismi oliy va birinchi toifaga ega ekani hamda umumiy sifat ko‘rsatkichi ijobiy darajada shakllangani qayd etildi.

Shuningdek, o‘quv yili yakunlariga ko‘ra bitiruvchilarning oliy ta’lim muassasalariga qabul qilinish ko‘rsatkichlari tahlil qilinib, ushbu yo‘nalishda muayyan natijalarga erishilgani ta’kidlandi. 

O‘rganish yakunlari bo‘yicha ta’lim sifatini yanada oshirish, mavjud ijobiy natijalarni mustahkamlash hamda tizimli ishlarni izchil davom ettirish yuzasidan tegishli tavsiyalar berildi.

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377) Facebook (https://www.facebook.com/share/1CUpgvKLYL/)|instagram (https://www.instagram.com/xalq_deputatlari_kengash/)