Sho‘rchida 101 yoshni qarshi olgan otaxon qutlandi

      Umr dovonini allaqachon zabt etib, qarilik gashtini surayotgan oqsoqol otaxonlar va nuroniy momolarimizning har bir so‘zi bugungi avlod uchun o‘git, pand-nasihat va yo‘l-yo‘riqdir. 

     O‘zbekiston Xalq demokratik partiyasidan saylangan xalq deputatlari Sho‘rchi tuman Kengashi deputati O‘. Cho‘tboyev “Laylakxona” mahallasining “Keksalar maslahati” guruhi rahbari H. Alixonov hamda nuroniylar ishtirokida mahalla faxriysi Rahimnazar bobo Yaxshiqulovning muborak 101 yoshni qarshi olgani munosabati bilan tashrif buyurildi. 

      Tashrif davomida Respublika boshqaruvi raisi, O‘zbekiston Qahramoni, senator Sodiqjon Turdiyevning tabriknomasi yetkazildi. Yaxshi tilaklar va ezgu niyatlar bildirilib, otaxonning samimiy duolaridan bahramand bo‘lindi. 

      Rahimnazar bobo tashrifdan mamnun ekanini bildirib, har bir ayyomda tinchlikning bebaho ne’mat ekanini alohida ta’kidladi. Bugungi tinch va osoyishta zaminda yashayotganidan Allohga behad shukronalar aytdi. Tadbir yakunida mahalla faxriysi Rahimnazar bobo Yaxshiqulovga esdalik sovg‘alari topshirildi.