Sessiya davomida Xalq deputatlari Sharof Rashidov tuman Kengashi raisini saylash masalasi ko'rib chiqilib tuman Kengashi raisi etib Akbarova Shoira Uktamovna bir ovozdan saylandi. Shuningdek tumanning 2026-yilgi mahalliy budjetini tasdiqlash hamda 2026-yilda tumanni kompleks ijtimoiy-iqtisodiy rivojlantirish dasturi yuzasidan masalalar atroflicha ko‘rib chiqildi. Shuningdek, yuridik va jismoniy shaxslarning qishloq xo‘jaligiga mo‘ljallanmagan yerlar uchun yer solig‘i, suv resurslaridan foydalanganlik hamda yer qa’ridan foydalanganlik uchun belgilangan soliq stavkalariga kamaytiruvchi va oshiruvchi koeffitsiyentlarni qo‘llash masalalari muhokama etildi.