Deputat tárepinen máhállede gezektegi úyreniw jumısları alıp barıldı.

⚡️ Deputat G.Bayjanova “Abatmákán” máhállesinde ámelge asırılıp atırǵan dóretiwshilik hám abadanlastırıw jumısları, xalıq ushın jaratılıp atırǵan sharayatlar, bar mashqalalar hám puqaralardıń múrájatları hár tárepleme úyrenildi.

Sonday-aq, máhálle xalqı menen jaqınnan sóylesip, olardı qıynap atırǵan máseleler tıńlandı. Aymaqtaǵı ishki jollar, ishimlik suwı, elektr hám gaz támiynatı, abadanlastırıw, bántlik hám sociallıq máseleler boyınsha pikir alısıldı.

Anıqlanǵan mashqala hám kemshiliklerdi tiyisli juwapker shólkemler menen birgelikte saplastırıw, puqaralardıń múrájatların belgilengen tártipte kórip shıǵıw hám olardı sheshiw boyınsha ámeliy ilajlar kóriw máseleleri belgilep alındı.

Deputat tárepinen aymaqtaǵı bar mashqalalardı óz waqtında anıqlaw, xalıqtıń máplerin qorǵaw hám olardıń múrájatlarına ámeliy sheshim tabıwǵa qaratılǵan úyreniw jumısları izbe-iz dawam ettiriletuǵını atap ótildi.