#Doimiy_komissiyalar_faoliyati
#Yoshlar_maslaxat_guruhi

🔹 ICHKI YO‘LLARNI SAQLASH VA JORIY TA’MIRLASH ISHLARI MUHOKAMA QILINDI

Xalq deputatlari Rishton tumani Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasi yig‘ilishi bo‘lib o‘tdi.

Yig‘ilishda doimiy komissiya a’zolari, Xalq deputatlari Rishton tumani Kengashi huzuridagi Yoshlar maslahat guruhi a’zolari, Kengash kotibiyati xodimlari, tegishli tashkilotlar rahbarlari hamda mas’ul mutaxassislar ishtirok etdi.

📋 Yig‘ilish kun tartibidan O‘zbekiston Respublikasi Vazirlar Mahkamasining 2024-yil 11-oktyabrdagi 665-son qarori ijrosi yuzasidan Rishton tumanida ichki yo‘llarni saqlash va joriy ta’mirlash ishlari bo‘yicha manzilli ro‘yxatning ijrosi masalasi o‘rin oldi.

Mazkur masala yuzasidan Rishton tuman obodonlashtirish boshqarmasi boshlig‘ining birinchi o‘rinbosari S. Olimov tomonidan amalga oshirilgan ishlar, belgilangan vazifalar ijrosi hamda mavjud muammolar yuzasidan axborot taqdim etildi.

🔎 Axborot doimiy komissiya a’zolari tomonidan atroflicha muhokama qilinib, ichki yo‘llarni saqlash va joriy ta’mirlash ishlarining samaradorligi, manzilli ro‘yxatga kiritilgan obyektlarda ishlarning bajarilish holati hamda kelgusidagi vazifalar yuzasidan fikr va takliflar bildirildi.

💬 Muhokamalar yakunida tegishli tavsiyalar ishlab chiqilib, masalani xalq deputatlari Rishton tumani Kengashining navbatdagi sessiyasi kun tartibiga kiritish bo‘yicha tegishli qaror qabul qilindi.

✅Xalq deputatlari Rishton tumani Kengashi