#24_másele
#58_sanlı_Taza_ jol_saylaw_okrugi
#Adolat_social_demokratik_partiyası

Qaraqalpaqstan Respublikası Joqarǵı Keńesi deputatı F.Palvanova hám Xalıq deputatları Shımbay rayonlıq Keńesi sekretariatı bas qánigesi N.Berdimuratov birgelikte “Taǵjap” APJ aymaǵı Aralbay awılı kóshesi turǵını kem támiyinlengen hám sociallıq qorǵawǵa mútáj  J.Mambetiyazov shańaraǵında bolıp, oǵan múnásip turmıs sharayatların jaratıw maqsetinde qáwenderler járdeminde jańa turaq jay qurıp berilip atırǵan jumıslar barısın úyrendi.

Deputat tárepinen usı shańaraq ushın qurılıp atırǵan turaq jay qurılısınıń barısı úyrenildi. Úyreniw procesinde qurılıs jumıslarınıń sapası, belgilengen talaplarǵa muwapıqlıǵı jáne qurılıstı óz waqtında juwmaqlaw máselelerine ayrıqsha itibar qaratıldı.
Atap ótilgenindey, kem támiyinlengen shańaraqlardı qollap-quwatlaw, olardıń jasaw sharayatların jaqsılaw hám múnásip turmıs keshiriwi ushın zárúr sharayatlar jaratıw mámleketimiz sociallıq siyasatınıń áhmiyetli baǵdarlarınan biri bolıp esaplanadı.
Bul baǵdarda qáwenderler tárepinen kórsetilip atırǵan ámeliy járdem hám qayırqomlıq baslamaları xalıqtıń sociallıq qorǵawǵa mútáj qatlamın qollap-quwatlawda úlken áhmiyetke iye bolmaqta.
Deputat qurılıs jumısların sapalı alıp barıw, belgilengen múddetlerde juwmaqlaw hám shańaraqtıń jańa turaq jayda múnásip hám qolaylı sharayatta jasawın támiyinlew boyınsha tiyisli usınıslar bildirildi.