O‘zbekiston Respublikasi Prezidentining Yoqilg‘i-Energetika Sohasida Bozor Mexanizmlarini Joriy Etishda Ehtiyojmand Aholini Davlat Tomonidan Qo‘llab-Quvvatlashning Qo‘shimcha Chora-Tadbirlari To‘g‘risidagi Qarori

O‘zbekiston Respublikasi Prezidentining 2025-yil 2-apreldagi PQ-134-son qaroriga ko‘ra, yoqilg‘i-energetika sohasida bozor mexanizmlarini joriy etish davrida ehtiyojmand aholini qo‘llab-quvvatlash bo‘yicha qo‘shimcha choralar belgilandi.

2027-yil 1-aprelgacha ijtimoiy reyestrga kiritilgan hamda kam ta’minlangan oilalarga elektr energiyasi va tabiiy gaz uchun qo‘shimcha kompensatsiya beriladi.

Elektr energiyasi bo‘yicha — oyiga bazaviy me’yordan 150 kVt/soatgacha ortiq iste’mol uchun narxlar farqi qoplab beriladi.

Tabiiy gaz bo‘yicha —isitish mavsumida 250 kub metrgacha,

boshqa davrlarda 150 kub metrgacha ortiq foydalanilgan qismi uchun kompensatsiya to‘lanadi.

2025–2026 yilgi isitish mavsumida ehtiyojmand oilalarni qo‘llab-quvvatlash maqsadida 2025-yil noyabr oyida 1 million so‘m miqdorida bir martalik moddiy yordam ajratiladi.

Ushbu yordam:

ijtimoiy reyestrga kiritilgan oilalarga;

shuningdek “mahalla yettiligi” xulosasi asosida yordamga muhtoj deb topilgan oilalarga beriladi

Qo‘shimcha ro‘yxatlar shakllantirilganda quyidagi oilalarga ustuvorlik beriladi:

boquvchisini yo‘qotgan oilalar;

ogironligi bo‘lgan shaxslar yashaydigan oilalar;

nogiron bolalarni parvarishlayotgan oilalar;

uzoq muddat davolanish talab etadigan bemorlar yashaydigan oilalar;

yolg‘iz yashovchi keksalar va nogironlar.

Mazkur yordam va kompensatsiya to‘lovlari Davlat byudjeti hisobidan moliyalashtiriladi.