Mirobod tumani prokurori B.Abdullayev, Mirobod tumani IIOFMB boshlig‘i U.Nastitdinov, “MADAD” NNT ma’sul G.Amridinova, tuman hokimining o‘rinbosari F.Najmitdinov va xalq deputatlari Mirobod tuman Kengashi deputati A.Karimov ishtirokida “Yuksalish” MFYda fuqarolar qabuli bo‘lib o‘tdi.

Qabulda mahallada yashovchi fuqarolarning huquqiy yordam, qonun ustuvorligiga oid masalalar, ichki ko‘chalarni ta’mirlash va asfalt yotqizish, maishiy chiqindilarni mahalla hududidan o‘z vaqtida olib chiqib ketilishini nazoratga olish, hududni ozoda saqlash, mahallaning ayrim ko‘chalarini raqamlashtirish, masalada barpo etilgan bog‘ yerlarni saqlab qolish, oilaviy nizo hamda boshqa masalalar yuzasidan murojaatlari tinglandi. 

Qabulda murojaatchilarning hududni ozoda saqlash, maishiy chiqindilarni mahalla hududidan o‘z vaqtida olib chiqib ketilishi, hududni ozoda saqlash, ishga joylashishga ko‘maklashish, ko‘p qavatli uylar oralig‘ida barpo etilgan bog‘ni saqlab qolish masalalari joyida ijobiy hal etildi.

Qabul davomida murojaatchining oilaviy nizo bo‘yicha ko‘targan masalaning yechimi bo‘yicha huquqiy yordam, qonun ustuvorligi to‘g‘risida tushuntirish berildi. 

Qo‘shimcha o‘rganish talab etilgan murojaatlar yuzasidan Mirobod tumani prokurori, IIOFMB boshlig‘i, hokim o‘rinbosari va deputat nazoratiga olinib, mutasaddi rahbarlarga topshiriqlar berildi. 

Qabulda fuqarolarning bir qator murojaatlari bo‘yicha huquqiy yordamga oid murojaatlariga “MADAD” NNT mas’ul G.O‘.Amridinova tomonidan tushunchalar berildi.

Shuningdek, mazkur hududda deputat o‘rni bo‘shligi sabab, Xalq deputatlari Mirobod tumani Kengashining 2026-yil 24-mart kuni bo‘lib o‘tgan sessiyasida O‘zbekiston Respublikasi Prezidentining 2026-yil 5-fevraldagi “Ko‘p xonadonli uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarorining ijrosi hamda Mirobod tumanidagi ichki xo‘jalik yo‘llarni saqlash va joriy ta’mirlash ishlari bo‘yicha 2026-yil uchun manzilli ro‘yxatini tasdiqlash to‘g‘risida qarorlar qabul qilgani haqida biriktirilgan deputat A.Karimov ma’lumot berdi.

Qabuldan so‘ng fuqarolarning murojaatlari bo‘yicha ayrim masalalar joyiga chiqib o‘rganildi.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash

Facebook tarmog‘ida: https://www.facebook.com/share/p/1CMZpdqxre/