#deputatlar_nazorati #poytaxtdeputatlari #deputatlik_faoliyati  

❗️Katta Oqtepa mahallasida sayyor uchrashuv

🏛 Xalq deputatlari Toshkent shahar Kengashi deputatlari Aziz Ibragimov va Husniddin Ergashev Shayxontohur tumanidagi Katta Oqtepa mahallasi fuqarolari hamda tuman Kengashi deputatlari bilan birgalikda o‘tkazilgan sayyor uchrashuvda faol ishtirok etdilar. Mazkur uchrashuv davomida mahalla aholisi bilan ochiq muloqot olib borilib, hududdagi dolzarb muammolar atroflicha muhokama qilindi. Uch soatdan ortiq davom etgan uchrashuvda infratuzilma, ijtimoiy soha va aholi turmush sharoitlariga oid masalalar tinglanib, ularning har biri tegishli tartibda qayd etildi.

📝 Xususan, hududdagi ko‘prik bilan bog‘liq muammolar, ichki yo‘llar holati, tungi yoritish, kommunal xizmatlar sifati, elektr, gaz va suv ta’minoti kabi masalalar ko‘tarildi. Shuningdek, yoshlar bandligi, tibbiy xizmat sifati, sport inshootlari holati, kambag‘allikni qisqartirish, ijtimoiy himoya, xotin-qizlar faolligi, soliq intizomi, bepul dori vositalari bilan ta’minlash, bozorlardagi narx-navolar, jamoat transporti harakati, chiqindilarni o‘z vaqtida olib chiqish, nogironligi bo‘lgan shaxslar uchun yaratilgan sharoitlar, madaniyat va davlat xizmatlari sifati, jinoyatchilikka qarshi kurashish hamda investitsiya va bandlik masalalari ham kompleks tarzda o‘rganildi.

📁 Uchrashuv yakunida ko‘tarilgan barcha masalalar yuzasidan tegishli tashkilotlar bilan hamkorlikda aniq chora-tadbirlar belgilab olinib, ularning ijrosi deputatlik nazoratiga olindi. Ta’kidlash joizki, mazkur sayyor uchrashuv fuqarolar murojaatlarini bevosita joyida eshitish, ularning muammolariga yechim topish hamda aholi va davlat organlari o‘rtasidagi ishonchni mustahkamlashda muhim ahamiyat kasb etdi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari)