Tadbirning asosiy maqsadi o‘quvchilarda ekologik madaniyatni shakllantirish, tabiatga mehr va e’tiborli bo‘lishga o‘rgatish. Dastlab, o‘quvchilar uchun “Tabiat – bizning uyimiz” mavzusida ma’rifiy suhbat va ekologik viktorina o‘tkazildi. Tadbir davomida kichik sahna ko‘rinishlari, she’rlar va qo‘shiqlar orqali ham atrof-muhitni asrash g‘oyasi keng yoritildi. Tadbir yakunida o‘quvchilar maktab hududida daraxt va gul ko‘chatlarini ekishdi. Bu orqali ular nafaqat nazariy, balki amaliy jihatdan ham tabiatni asrashga o‘z hissalarini qo‘shdilar.