Ta’lim tizimidagi islohotlar samaradorligini yanada oshirish 

Muhtaram Prezidentimiz raisligida 2025-yil 15-may kuni bo‘lib o‘tgan videoselektor yig‘ilishida ta’limdagi islohotlar samaradorligini yanada oshirish masalalari keng muhokama qilindi. Mazkur yig‘ilishda mahalliy Kengash deputatlariga ham ta’lim sifatini oshirishda faol ishtirok etish, joylardagi muammolarni aniqlab, ularni bartaraf etishda bevosita qatnashish vazifasi topshirildi.

Bu borada Xalq deputatlari Boysun tuman Kengashi deputati N.Sharipov tumandagi 5-umumtalim maktabi xodimlari bilan uchrashuv o‘tkazdi. Mazkur targ‘ibot tadbirda asosan bolalarning bilim darajasini oshirish, zamonaviy ta’lim metodlarini joriy etish kabi masalalar haqida ma’lumot berdi.

Deputat yig‘ilganlarga murojaat qilar ekan, ushbu islohotlar - farzandlarimiz kelajagi, jamiyatimiz taraqqiyoti uchun qadam ekanligini ta’kidlab o‘tdi.