Deputatlar hamda ijodkorlar harbiylar bilan uchrashdilar

Shu kunlarda butun mamlakatimiz bo‘ylab
shonli bayram – 9-may – Xotira va qadrlash kuni hamda Ikkinchi jahon urushida qozonilgan
buyuk g‘alabaning 80 yilligini keng tantanalar bilan nishonlamoqdamiz.  

Ushbu qutlug‘ kunlarda insoniyat tarixidagi
eng dahshatli urushda jasorat ko‘rsatib, bashariyatni fashizm balosidan saqlab qolgan
qahramon ota-bobolarimiz hamda front ortida mardona mehnat qilib, g‘alabani ta’minlashga
munosib hissa qo‘shgan mard va olijanob yurtdoshlarimiz xotirasiga yuksak hurmat-ehtirom
bajo keltirmoqdamiz. 

Xalq deputatlari Quva tuman Kengashi deputatlari
R.Nodirov, B.Abduraximov, O‘zbekiston yozuvchilar uyushmasi a’zolari, el suygan
shoiralar Z.Alieva, O‘.Solieva shuningdek mudofaa vazirligi faxriysi Sh.Abdullaevlar
Quva tumanida joylashgan mudofaa vazirligiga qarashli 45370-harbiy qismda bo‘lib,
harbiy xizmatchilar bilan uchrashdilar.