Xalıq deputatları Bozataw rayonlıq Keńesiniń 3-“Mádeniyat” saylaw okruginen (XDP) saylanǵan deputat G.Yusupova hám sekretariat xızmetkeri tárepinen rayonnıń "Qusqanataw" máhállesine biriktirilgen sociallıq xızmetker A.Niyazımbetovanıń jumısı úyrenildi. 

Úyreniw procesinde sociallıq xızmetker tárepinen sociallıq qorǵawǵa mútáj, kem támiyinlengen, mayıplıǵı bolǵan shaxslar, jalǵız kekseler hám awır sociallıq jaǵdayǵa túsip qalǵan shańaraqlar menen ámelge asırılıp atırǵan jumıslar kórip shıǵıldı. Sonday-aq, puqaralardıń sociallıq xızmetlerge bolǵan talabın anıqlaw, olarǵa mánzilli járdem kórsetiw hám mámleket tárepinen berilgen jeńillik hám járdem ilajlarınan paydalanıwın támiyinlew baǵdarındaǵı jumıs úyrenildi. 

Deputat tárepinen sociallıq xızmet alıwshılardıń jeke dızımı, múrájatlar menen islesiw jaǵdayı, sociallıq xızmetler reestriniń júrgiziliwi hám belgilengen wazıypalardıń
orınlanıwı belgilendi. Ásirese, sociallıq xızmetlerge mútáj puqaralardıń mashqalaların óz waqtında anıqlaw hám sheshiw baǵdarındaǵı jumıslarǵa ayrıqsha itibar qaratıldı. Úyreniw juwmaǵında sociallıq qorǵawǵa mútáj xalıq qatlamların hár tárepleme qollap-quwatlaw, sociallıq xızmetler sapasın ele de arttırıw baǵdarındaǵı jumıslar ústinen deputatlıq qadaǵalaw alıp barılatuǵınlıǵın atap ótti.