Xalq deputatlari tuman Kengashining 08 – 13-iyun kunlari uchun mo‘ljallangan haftalik ish rejasiga muvofiq “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasining navbatdagi yig‘ilishi bo‘lib o‘tdi.

Doimiy komissiya yig‘ilishida dastlabki tarzda quyidagi masalalar ko‘rib chiqildi.

tumanda “Infratuzilma va ijtimoiy barqarorlik” jamg‘armasiga yo‘naltirilgan mablag‘lardan foydalanishga ruxsat berish to‘g‘risida;

tumanda “Yoshlar daftari” jamg‘armasi mablag‘laridan foydalanish to‘g‘risida;

tumanda mahallalar va ta’lim muassasalaridagi yoshlarning yozgi ta’tilini mazmunli va samarali tashkil etishga qaratilgan “Dolzarb 90 kun” tadbirlarini amalga oshirish to‘g‘risida.

Yig‘ilish davomida har bir masala yuzasidan mas’ullarning tegishli hisobotlari tinglandi.

So‘ngra doimiy komissiya a’zolari hamda Kengash huzuridagi ekspert guruhi a’zolari ushbu masalalar yuzasidan o‘zlarining zarur taklif va tavsiyalarini bildirib o‘tishdi.

Mazkur masalalarni navbatdagi sessiya kun tartibiga kiritish belgilab olindi hamda har bir masala yuzasidan doimiy komissiyaning tegishli qarorlari qabul qilindi.

Xalq deputatlari Uchko‘prik tumani Kengashi