Xalq deputatlari Qo‘shko‘pir tuman Kengashi deputati O. Artiqova Durdona mahallasida bo‘lib, mahalla yettiligi faoliyati bilan yaqindan tanishdi.
O‘rganish jarayonida deputat mahalla raisi, hokim yordamchisi hamda xotin-qizlar faoli tomonidan hududda olib borilayotgan ishlar, aholi muammolarini hal etish, bandlikni ta’minlash, ijtimoiy himoyaga muhtoj oilalarni qo‘llab-quvvatlash va xotin-qizlar bilan ishlash borasidagi faoliyatni ko‘zdan kechirdi.
Deputat mahalla yettiligi tomonidan amalga oshirilayotgan ishlar samaradorligini baholab, aholining turmush farovonligini oshirish, murojaatlar bilan manzilli ishlash hamda davlat dasturlari ijrosini ta’minlashda tizimli hamkorlikni yanada kuchaytirish yuzasidan o‘z tavsiyalarini bildirdi.
Ta’kidlanganidek, mahalla tizimida olib borilayotgan samarali faoliyat fuqarolarning manfaatlarini ta’minlash, hududlarni kompleks rivojlantirish va aholi bilan ochiq muloqotni mustahkamlashda muhim omil bo‘lib xizmat qilmoqda.