Muzrabot tumanida “Tashabbusli budjet”ning 2025-yil 2-mavsumi doirasida amalga oshirilayotgan loyihalar izchil davom etmoqda.

Jumladan, “Mehnatobod” mahallasida joylashgan 3-maktabining 180 o‘rinli o‘quv binosida qurilish ishlari jadal sur’atlarda olib borilmoqda. Ayni paytda “ChIROY-MUZRABOT QURILISh” XK tomonidan 1 mlrd 428 mln so‘m mablag‘ evaziga maktab binosining tashqi fasadi hamda ichki suvoq ishlari bajarilmoqda.

Muzrabot tumani hokimi, xalq deputatlari tuman Kengashi raisi - Abdulla Mamatqulov tegishli mas’ullar bilan birgalikda qurilish
jarayonini o‘rgandi. Ishlarni belgilangan muddatda va sifatli yakunlash bo‘yicha kerakli topshiriq va ko‘rsatmalar berdi.

Ushbu ishlar ta’lim muassasasining moddiy-texnik bazasini mustahkamlab, o‘quvchilar uchun zamonaviy va qulay ta’lim muhitini yaratishga xizmat qiladi.