Xalq deputatlari Chinoz tumani Kengashi deputati Abdumalik Aliyev tumandagi Navro‘z mahallasida bo‘lib, mahalla yettiligi tomonidan amalga oshirilayotgan ishlar holatini o‘rgandi.

O‘rganishlar davomida hokim yordamchilari tomonidan olib borilayotgan ishlarning samaradorligi, xususan, aholini kambag‘allikdan chiqarish, bandlikni ta’minlash va daromad manbalarini kengaytirish borasidagi chora-tadbirlar tahlil qilindi. Shuningdek, mahalla xotin-qizlar faoli tomonidan ayollarni ijtimoiy qo‘llab-quvvatlash, ularning bandligi va faolligini oshirish yo‘nalishida amalga oshirilayotgan ishlar samaradorligi o'rganildi. 

O'rganish yakunida aniqlangan masalalar yuzasidan tegishli tavsiyalar berilib, mavjud muammolarni bartaraf etish va mahallada ijtimoiy-iqtisodiy barqarorlikni mustahkamlash bo‘yicha kelgusidagi vazifalar belgilab olindi.