Yuqori Archa mahallasida aholi muammolarini hal etish masalalari ochiq muloqotda muhokama
qilindi 

🔹 Xalq deputatlari Farg‘ona tuman Kengashi deputati Baxodirjon Axmadjonov Yuqori Archa mahalla fuqarolar
yig‘inida mahalla yettiligi hamda mahalla oqsoqollari ishtirokida ochiq muloqot
o‘tkazdi. Uchrashuv davomida mahallada mavjud ijtimoiy, kommunal va infratuzilmaviy
sohalarga oid dolzarb muammolar keng qamrovda muhokama qilinib, aholini tashvishlantirayotgan
masalalar joyida o‘rganildi. 

🔹 Fuqarolar tomonidan bildirilgan murojaat va takliflar har tomonlama tahlil qilinib, ularni
bartaraf etish bo‘yicha tegishli tashkilotlar bilan hamkorlikda aniq amaliy chora-tadbirlar
belgilandi. Shuningdek, mahallada amalga oshirilayotgan ishlar holati yuzasidan
fikr almashilib, kelgusida bajarilishi lozim bo‘lgan ustuvor vazifalar belgilab
olindi. 

🔹 Mazkur ochiq muloqot aholi bilan samarali hamkorlikni kuchaytirish, fuqarolar murojaatlariga
o‘z vaqtida yechim topish hamda mahalla hayotidagi mavjud muammolarni bosqichma-bosqich
hal etishga xizmat qildi.