Buloqboshi tumani Xalq deputatlari Kengashi deputati, va tuman Oila va xotin-qizlar bo’limi vakili profilaktika inspektori hamda diniy komiteti bilan birgalikda tumandagi 26-sonli maktab o‘quvchilarining ota-onalari bilan uchrashuv o‘tkazildi. Uchrashuvda ta’lim, o‘quvchilarning tarbiyasi, ota-onalar mas’uliyati, yoshlar bilan ishlashda hamkorlik va tuman hududidagi ijtimoiy muammolar haqida fikr almashildi. Xususan, ota-onalarga o‘quvchilarni tarbiyalash va ularga yordam berish bo‘yicha tavsiyalar berildi. Tadbir davomida Senatning 12-yalpi majlisida muhokama qilingan “Bolalarni zo‘ravonlikdan himoya qilish tizimini takomillashtirish munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun loyihasi yuzasidan
tushuntirishlar berildi. Shuningdek, o‘quvchilarning huquqiy savodxonligini oshirish, kasb tanlashda ongli qaror qabul qilish, erta nikohning salbiy oqibatlari hamda uning oldini olish masalalariga alohida e’tibor qaratildi.