Қараөзек районы жаслар орайы мәжилислер залында Қарақалпақстан Республикасы Жоқарғы Кеӊесине 63-«Қараөзек» округинен депутат М.Абдировтыӊ сайлаўшылары менен ушырасыўы болып өтти. Ушырасыўға районлық Кеӊес депутатлары,мәкеме, шөлкем ўәкиллери, район орайындағы мәҳәлле турғынлары қатнасты. Онда депутат М.Абдиров 2025-жылдыӊ биринши шереги даўамында өз искерлиги бойынша әмелге асырған жумыслары ҳаққында сайлаўшыларға есабат берип, жаӊадан қабыл етилген нызам ҳәм қарарлар, мәмлекетлик бағдарламалардыӊ мәнис-мазмуны ҳаққында тоқталып өтти. Буннан соӊ аймақ турғынларыныӊ мүрәжат ҳәм пикир-усыныслары тыӊланылып, орынланыўы бойынша депутатлық қадағалаўды әмелге асырыў белгиленип алынды. Депутаттыӊ сайлаў округи аймағындағы ушырасыўлары даўам етпекте.